Nodeems d’Pressekonferenz vun der Ministesch Dieschbourg iwwert d’Autorisatioun fir dat faméist Gaardenhaische vum Roberto Traversini gëschter eriwwer war, hu mir hannert hirem Stull e Buch fonnt.
Den Titel: Du bass elo an der Chamber oder an der Regierung for Dummies erausgi vum Verband vun de Lëtzebuerger Profi Politiker
Erstaunt hu mir eng Kéier duerchgebliedert a vill interessant Kapitele fonnt, wéi:
- Steieren
wat soen, wa Leit sech bekloen dass Du nëmme Steieren op engem klengen Deel vun dengem Akommes bezils? - Déngschtwon
Jo du dierfs en och benotze fir an d’Vakanz ze fueren - Vetternwirtschaft
Wéi’s du no bausse verklickers, datt de Kolleg, de Brudder, den Neveu, de Parteikolleg, d’Maîtresse den Ideale Choix si fir héich Poste beim Staat - Gesetzer, Reglementer a Reegelen am Allgemengen
Nee, déi zielen net fir dech - Presse Subventionéierung vum Staat
De Grond firwat datt zu Lëtzebuerg kee Journalist dir onangenehm Froe stellt - RTL
Däin Ex-Employeur - Ëffentleche Verkéier
Brauchs de net, Du hues däi Déngschtwon mat chauffeur a bloer Luucht fir iwwerall séeier an effizient hinzekommen
Bei engem Kapitel war een Iselseck:
Fuddelen/Bevirdeelege vu Frënn, Famill, etc.
Wann s de beim Fuddelen erwëscht gëss, ginn et 3 Etappen:
- Stell dech domm
- erënner dech un näischt
- interpretéier d’Gesetzer an d’Reegelen esou datt et däin Hals rett
Op KEE Fall däi Fuddelen zouginn!
